«Гламурная армяночка», «Гламурный принц», «Гламурная» ….երևի թե բոլորդ էլ սոցիալական ցանցերում հանդիպած կլինեք նման անուններով հայերի: Հայաստան գլամուրը մուտք է գործել վերջին տարիներին: Մեր երկրում ամենուր և անընդհատ քննարկվում ու տեղի-անտեղի կրկնվում է «գլամուր» բառը: Երևան քաղաքում գլամուրն անասելի պահանջարկ ունի, գրեթե յուրաքանչյուր երիտասարդ հնարավորություն ունի կրել համաշխարհային (կեղծ) ապրանքանիշերի հագուստ, կոշիկներ և ակնոցներ (Chanel, ARMANI, D&G, Gucci, BURBERRY և այլն), օգտագործել էլի կեղծ, բայց ամենաթանկ ապրանքանիշի մոդելի հեռախոսներ և համարել իրեն գլամուրային: Բոլորը կարծում են, որ եթե իրենք իրենց անվանում կամ համարում են գլամուրային, ապա դա այդպես է: Բայց այդ գլամուր մասսայից միայն շատ քչերը գիտեն թե ինչ է իրականում գլամուրը:
«Գլամուր» բառը, անգլերենից թարգմանությամբ «ճոխություն», «փայլ», «հմայք», դեռ հնարավոր չէ գտնել ոչ մի բացատրական բառարանում, բայց այն գիտեն բոլորը:
Գլամուրը գրավել է ողջ աշխարհը: Գլամուր է Փարիզում, Նյու Յորքում, Մոսկվայում...Երևանում: Գլամուրը օրեցօր գրավում է մարդկանց ավելի լայն զանգվածների: Իսկ ի՞նչ է նշանակում գլամուր: Կարելի է ենթադրել, որ այն գլոբալիզացված աշխարհի մի մասնիկն է բոլոր այս երկրներում: Բայց ոչ: Գլամուրը որպես երևույթ նոր չէ, այն գոյություն է ունեցել քաղաքակրթության զարգացման գրեթե բոլոր փուլերում, միայն թե տարբեր անուններով: Ինչպես հայտնի է` ցանկացած նորը դա լավ մոռացված հինն է: Գլամուրը ևս բացառություն չէ: Գլամուրը այսօր բացի հագուստի ոճից համարվում է նաև կենսաոճ: Եվ դրանով այն շատ նման է «կոմիլֆոին» (ֆրանս. comme il faut- ինչպես հարկավոր է): Դա 18-րդ դարում ընդունված վարքի ձև էր: Այդ վարքի ձևը իր մեջ ներառում էր իրեն հատուկ հագուստի ոճը, վարքի կանոնները, յուրահատուկ մտածելակերպը:
Այն հիմնականում տարածված էր հարուստների շրջանում: Երիտասարդները երկարացնում էին իրենց եղունգները, հագնվում էին շքեղ, խոսում էին ֆրանսերեն, հաճախում էին պարահանդեսների և անպայման ունենում էին իրենց սեփական ծառաները, որոնք նույնիսկ նրանց առավոտյան պետք է թերթերը մատուցեին : Գլամուրը մեր օրերի կոմիլֆոն է, պարզապես այն մի փոքր փոխվել է ժամանակի թելադրմամբ: Այդ իսկ պատճառով կարելի է հասկանալ թե ինչու է այսօր էլ այդ երևույթը հաճախ կապվում շքեղ կյանքի, հոլիվուդյան աստղերի, թանկ մեքենաների, VIP երեկույթների, թանկարժեք հագուստի և օծանելիքի և այս ամենից օգտվողների հետ:
Այն հիմնականում տարածված էր հարուստների շրջանում: Երիտասարդները երկարացնում էին իրենց եղունգները, հագնվում էին շքեղ, խոսում էին ֆրանսերեն, հաճախում էին պարահանդեսների և անպայման ունենում էին իրենց սեփական ծառաները, որոնք նույնիսկ նրանց առավոտյան պետք է թերթերը մատուցեին : Գլամուրը մեր օրերի կոմիլֆոն է, պարզապես այն մի փոքր փոխվել է ժամանակի թելադրմամբ: Այդ իսկ պատճառով կարելի է հասկանալ թե ինչու է այսօր էլ այդ երևույթը հաճախ կապվում շքեղ կյանքի, հոլիվուդյան աստղերի, թանկ մեքենաների, VIP երեկույթների, թանկարժեք հագուստի և օծանելիքի և այս ամենից օգտվողների հետ:
Այսօր, երբ կյանք անվերջ մրցակցության օրենքներով է կառուցված, մարդիկ ձգտում են տարբերվել միմյանցից և ունենալ յուրօրինակ իմիջ: Կարելի է ասել, դա է պատճառը, որ գլամուրը շարունակում է ապրել իր ընտրյալների շրջանակում և համախմբել շքեղ կյանքի երկրպագուներին: Սակայն պետք չէ մոռանալ, որ ամեն բան իր չափի մեջ է գեղեցիկ:
