Կար ժամանակ, երբ մենք Ֆեյսբուք աշխարհում հանգիստ էինք, մենք խաղաղ էինք մեր լեռների պես )))….և ահա, չգիտես որտեղից մեր գլխին որպես պատուհաս թափվեցին ֆեյսբուքյան հարցերը: Եվ այդ օրվանից մենք չունենք հանգիստ, մեզ ամենուր հետևում է մեր հարցասեր հասարակությունը: Իսկ ես մասնագիտությամբ լինելով սոցիոլոգ, էլ ավելի «ծանր» եմ տանում այդ հարցերի գոյությունը: Չեք էլ պատկերացնի, թե ինչքան բարդ աշխատանք է հարցաշար կազմելը, ամեն հարց քանի չափանիշներով է դիտարկվում: Իսկ ֆեյսբուքում ամեն ոք իրեն սոցիոլոգ է ենթադրում և աջ ու ձախ հարցախույզ անցկացնում: Խոսքս իհարկե չի վերաբերվում այն մարդկանց, ովքեր պարզապես ինչ-որ հարցի շուրջ փորձում են իմանալ իրենց ընկերների կարծիքը, դա գոնե տանելի է: Ինձ ավելի շատ նյարդայնացնում են «Հայ սոցիոլոգ», «Սոցիոլոգիական հարցումներ» և այլ ենթադրյալ կազմակերպությունների կողմից առաջադրված հարցերը: Ինչպես ասում են մի խայտառակեք ռեսպուբլիկան և մի գցեք այն մասնագիտության համբավը, որից այդքաաան հեռու եք: Եվ այսպես, սկսեմ անդրադառնալ ինձ, ինչպես նաև գուցե ձեզանից շատերին նյարդայնացնող ֆեյսբուքյան հարցերին և այդ հարցերից ոչ պակաս շատ նյարդայնացնող դրանց օրիգինալ պատասխաններին`
- Դպրոցում ո՞ր դասարան եք եղել (Ա, Բ, Գ…) – շատ հետաքրքիր է, թե այս հարցը ինչ նպատակի է ծառայում, գուցե սա կարող է նպաստել մեր Կրթության և գիտության նախարարության գործունեության լավացմանը:
- Սիրահարվա՞ծ եք (1.այո/ոչ, 2.ես վերցնում եմ գումարը, 3. ժողովուրդ հուշատետր եք լրացնում, 4. թան էլ չէ փրթած մածուն, 5. քո ինչ գործ…) – մեր սիրահարը փորձում է դարդակիցներ գտնել ֆեյսբուքում, բայց «այդ չար մարդիկ» միայն նրան ծաղրում են:
- Արև թե՞ լուսին, շուն թե՞ կատու, գինի թե՞ օղի, աղջիկ թե՞ տղա….- սա թերևս ամենից հաճախ հանդիպող հարցերի ձևն է: Բայց դե ճաշակին ընկեր չկա, մեկը աղջիկ է սիրում, մյուսը տղա…))))
- Հիշու՞մ եք Ձեր առաջին ուսուցչին – իսկ այս հարցի պատասխաններին հետևելիս, հասկանում ենք, որ ֆեյսբուքցիներից շատերի մոտ այդքան երիտասարդ տարիքում արդեն հիշողության կորուստ է նկատվում:
- Հավատու՞մ եք այլ մոլորակների գոյությանը (1. Ինձ թվում էր, թե դա վաղուց արդեն ապացուցվել է, 2. Երևի ուզում էիք ասել այլմոլորակայիններ) – դպրոցներում ներմուծեցին Աստղագիտություն առարկան, բայց դա էլ ոչ մի օգուտ չտվեց, մարդիկ դեռ տատանվում են այլ մոլորակների գոյության հարցում:
- Դուք աղջիկ եք թե՞ տղա - բարեկամներ իսկ ու՞ր է երրորդ տարբերակը, պետք է մտնել մարդկանց դրության մեջ, չէ որ շատերը այդպես էլ չեն կողմնորոշվում:
- Ըստ Ձեզ Նիկոլ Փաշինյանի հրաշալի ձայնային տեմբրով ո՞ր երաժշտական կատարումն ավելի լավ կհնչեր (1. Էմին Դավիդով- Աստղերը, 2. Շպռօտ- Ես եմ քո մեղրը, 3. Հովո- Մութ բանտում, 4. Я на солнышке лежу, 5. Ես նիվա չունեմ) – NO COMMENT!!!
- Իսկական երջանիկ շնչահեղձ լինելու չափ, ինքնամոռաց և ամբողջ էությամբ երջանիկ եղե՞լ եք (1. Ռոմանտիկներն էին եկել, Ձեզ էին հարցնում, 2. Այո/ոչ, 3. Я в шоке, 4. Այո, և հենց հիշում եմ, էլի շնչահեղձ եմ լինում, 5. Երջանիկը շնչահեղձ չի, այլ հանգիստ ու չերևացող, նուրբ ուրախությունա ) – հայոց լեզվի ինչպիսի իմացություն է դրսևորում հարցի հեղինակը, իսկ հարցին պատասխանողներն էլ,անտեսելով իրենց շնչահեղձությունը, փորձում են ոչնչով հետ չմնալ ))))
Շարունակելի……
